- राज्यात पुन्हा पावसाचा जोर वाढण्याची शक्यता आहे. आज पूर्व विदर्भातील चंद्रपूर आणि गडचिरोली जिल्ह्यांत मुसळधार पावसाची शक्यता वर्तवून ऑरेंज अलर्ट जारी करण्यात आला आहे. तर कोकणपट्टा, पुणे-सातारा-कोल्हापूर घाटमाथा तसेच उत्तर महाराष्ट्र, मराठवाडा आणि उर्वरित विदर्भात विजांसह पावसाच्या सरी कोसळण्याचा अंदाज देत हवामान विभागाने यलो अलर्ट दिला आहे.
- सध्या मान्सूनचा कमी दाबाचा पट्टा गंगानगरपासून उपसागरापर्यंत सक्रीय आहे. म्यानमारच्या किनाऱ्यालगत समुद्रसपाटीपासून सुमारे 5.8 किमी उंचीवर चक्राकार वारे वाहत आहेत. त्यातून नव्याने कमी दाबाचे क्षेत्र तयार होण्याची शक्यता असल्याने पावसाचा जोर वाढणार असल्याचे संकेत हवामान तज्ज्ञांनी दिले आहेत.
- कुठे कोणता अलर्ट?
- ऑरेंज अलर्ट: चंद्रपूर, गडचिरोली.
- यलो अलर्ट: रायगड, रत्नागिरी, सिंधुदुर्ग, पुणे घाटमाथा, सातारा घाटमाथा, कोल्हापूर घाटमाथा, हिंगोली, नांदेड, गोंदिया.
- यलो अलर्ट: (उत्तर महाराष्ट्र व इतर भाग): नंदूरबार, धुळे, जळगाव, नाशिक, संभाजीनगर, जालना, बीड, परभणी, धाराशिव, लातूर, बुलडाणा, अकोला, अमरावती, वाशीम, यवतमाळ, वर्धा, नागपूर, भंडारा.
