राष्ट्रवादी काँग्रेसचे अध्यक्ष शरद पवार आणि प्रियांका चतुर्वेदी आणि संजय राऊत यांना पुढील वेळी राज्यसभेपर्यंत पोहोचणे अवघड झाले आहे. याचे मुख्य कारण म्हणजे नुकत्याच झालेल्या महाराष्ट्र विधानसभा निवडणुकीचे निकाल. या निकालात उद्धव ठाकरे आणि शरद पवार यांच्या पक्षांना मोठा धक्का बसला आहे. त्यांच्या आमदारांची संख्या आधीच बरीच कमी झाली आहे, त्यामुळे हे नेते पुन्हा राज्यसभेवर निवडून येण्याची शक्यता खूपच कमी झाली आहे. यंदाच्या विधानसभा निवडणुकीत महाविकास आघाडीला पन्नासचा आकडाही गाठता आला नाही.
महाविकास आघाडीला केवळ ४९ जागा जिंकता आल्या आहेत. महाविकास आघाडीच्या या अपयशामुळे पवार, राऊत आणि चतुर्वेदी यांना राज्यसभेची पुढची टर्म स्वबळावर मिळण्याची आशा धूसर झाली आहे. साधारणत: महाराष्ट्रातून राज्यसभेवर जाण्यासाठी ४३ जागांचा कोटा असतो. या पार्श्वभूमीवर संपूर्ण महाविकास आघाडी मिळून राज्यसभेवर एकच पाठवू शकते. तेही जेव्हा आघाडीमध्ये एका नावावर सहमती होऊ शकते.
पवार आणि चतुर्वेदी यांची ३ एप्रिल २०२० रोजी राज्यसभेवर सहा वर्षांसाठी निवड झाली. त्यांचा कार्यकाळ ३ एप्रिल २०२६ रोजी संपणार आहे. राऊत १ जुलै २०२२ रोजी राज्यसभेवर निवडून गेले असून त्यांचा कार्यकाळ २२ जुलै २०२८ रोजी संपणार आहे.
