क्राईम
पतीसोबत खटके अन् रिक्षाचालकाशी प्रेम!
- पतीसोबत संसारात खटके उडत असल्याने नंतर रिक्षाचालकासोबत प्रेम जुळले. त्यानंतर दोघे लिव्ह इन रिलेशनशीपमध्ये राहू लागले. लग्नाच्या आणा-भाका घेतल्यानंतर प्रेयसी डोईजड झाली अन् तिचा खून करत तिच्याच आईच्या घराजवळील रिक्षात मृतदेह टाकून रिक्षाचालक असलेला प्रियकर पसार झाला.
पोलिसांकडून प्राप्त माहितीनुसार, शिवानी सोमनाथ सुपेकर असे हत्या झालेल्या प्रेयसीचे नाव आहे. तर विनायक आवळे असे या प्रकरणातील संशयित रिक्षाचालकाचे नाव आहे. विवाहानंतर शिवानी हिचे पतीसोबत खटके उडत होते. त्यानंतर रिक्षाचालक विनायकसोबत तिचे प्रेम संबंध जुळले. पतीला सोडून दुसऱ्यासोबत घरोबा करणाऱ्या महिलेच्या नशिबी मृत्यू आला असून हा दुर्दैवी प्रकार पिंपरी चिंचवडमध्ये उघडकीस आला आहे.
पतीसोबतचा संसार सुरु झाल्यानंतर त्या दोघांत खटके उडत होते. त्यानंतर शिवानी पतीपासून वेगळी झाली आणि एका रिक्षाचालकासोबत तिचे सुत जुळले. त्यानंतर ते दोन वर्षे दोघे लिव्ह इन रिलेशनशिपमध्ये राहीले.
मंगळवारी रात्री शिवानी आणि विनायक यांच्यात कशावरुन तरी वाद झाला. त्यानंतर विनायकचा राग इतका वाढला की, त्याने शिवानीचा गळा आवळून हत्या केली. त्यानंतर तिचा मृतदेह रिक्षात ठेवून तिच्या आईच्या घरासमोर रिक्षा लावली आणि तो पसार झाला. दरम्यान या घटनेनंतर पोलिसांनी तपास सुरु केला.
