ब्रेकिंग! भारताकडून पहिल्यांदाच ट्रेनवरुन अग्नी-प्राईम क्षेपणास्त्राची यशस्वी चाचणी

भारताने आज एक महत्त्वाचा टप्पा गाठला. संरक्षण संशोधन आणि विकास संघटनेने अग्नि-प्राइम क्षेपणास्त्राची यशस्वी चाचणी घेतली. ही चाचणी ओडिशातील चांदीपूर चाचणी रेंज येथे रेल्वे-आधारित मोबाईल लाँचरवरून करण्यात आली. हे क्षेपणास्त्र दोन हजार किलोमीटर अंतरापर्यंतच्या लक्ष्यांवर मारा करू शकते. संरक्षण मंत्री राजनाथ सिंह यांनी याला राष्ट्रीय अभिमान म्हटले. पुढील पिढीतील अग्नी-प्राईम क्षेपणास्त्र दोन हजार किलोमीटर अंतरापर्यंतच्या लक्ष्यांवर मारा करू शकते. म्हणजेच या रेंजमध्ये संपूर्ण पाकिस्तान येतो.
रेल्वे लाँचर ही रेल्वे रुळांवर चालणारी एक विशेष ट्रेनसारखी प्रणाली आहे. हे क्षेपणास्त्र एका डब्यात (बंद बॉक्स) साठवले जाते. ही ट्रेन हालचाल करताना क्षेपणास्त्र डागू शकते. पूर्वी, निश्चित ठिकाणी किंवा ट्रकवरून क्षेपणास्त्र डागले जात होते, परंतु रेल लाँचर शत्रूपासून वाचू शकते. ही चाचणी भारतासाठी एक मोठे पाऊल आहे. ही ट्रेन सामान्य मालवाहू ट्रेनसारखी दिसते, शत्रूला ती सापडत नाही. भारत आता अमेरिका , चीन, रशिया आणि उत्तर कोरिया सारख्या देशांसह एका निवडक क्लबमध्ये सामील झाला आहे. हा ‘आत्मनिर्भर भारत’चा एक भाग आहे, जो आपल्या संरक्षणाला बळकटी देतो.