राज्यात विधानसभा निवडणुकीच्या प्रचाराची रणधुमाळी संपली आहे. आता सोलापूरसह अन्य भागात उद्या मतदान होणार आहे. तर शनिवारी या निवडणुकीचा निकाल जाहीर होणार आहे. दरम्यान, विधानसभा मतदानाच्या एक दिवस आधी कल्याण-डोंबिवलीमध्ये मोठी घडामोड घडली आहे. यावेळी उद्धव ठाकरे गटाच्या नेत्यांनी शिंदे गटात प्रवेश केल्याने ठाकरेंना मोठा धक्का बसला आहे.
विधानसभेच्या शेवटच्या टप्प्यात कल्याण-डोंबिवलीमध्ये ठाकरे गटाचे जिल्हाप्रमुख सदानंद थरवळ यांनी शिंदे गटात जाहीर प्रवेश केला आहे. आता ठाकरे यांच्यासाठी हा मोठा धक्का मानला जात आहे. कारण कल्याण-डोंबिवली हा भाग शिवसेनेचा बालेकिल्ला म्हणून ओळखला जातो.
मात्र, गेल्या दोन वर्षांपूर्वी शिवसेनेत फूट पडल्याने त्याचा फटका ठाकरे गटाला मोठ्या प्रमाणात बसला आहे. कारण कल्याण-डोंबिवलीमध्ये बहुतांश शिवसैनिक, पदाधिकारी हे एकनाथ शिंदे यांच्यासोबत गेले आहेत. त्यामुळेच लोकसभा निवडणुकीतदेखील या भागातून शिंदे यांचे चिरंजीव श्रीकांत शिंदे निवडून आले आहेत.
