- कोणत्या ना कोणत्या कारणाने अभिनेत्री अंकिता लोखंडेचे नाव नेहमीच चर्चेत असते. सध्या एका मोठ्या प्रकरणामुळे अंकिता चर्चेत आहे, जे तिच्या कुटुंबातील एका खास सदस्याच्या मुलीच्या बेपत्ता होण्याशी संबंधित आहे. अंकिताने याप्रकरणी पोलिसात तक्रार दाखल केली असून सोशल मीडियावर बेपत्ता झाल्याची पोस्टही शेअर केली आहे. अंकिताने तिच्या अधिकृत इंस्टाग्राम हँडलवर एक नवीन पोस्ट शेअर केली आहे. या पोस्टमध्ये तिने तिच्या घरातील मदतनीस (मोलकरीण) महिलेची मुलगी आणि तिची मैत्रीण बेपत्ता झाल्याची माहिती दिली आहे. अंकिताने दोन्ही मुलींचे फोटो आणि पोलिसात दाखल केलेल्या एफआयआरची प्रतही शेअर केली आहे.
- अंकिताने तिच्या पोस्टमध्ये सांगितले आहे की, 31 जुलैपासून या दोन्ही मुली बेपत्ता आहेत आणि आतापर्यंत त्यांच्याबद्दल कोणताही सुगावा लागलेला नाही.
- अंकिताने सोशल मीडिया वापरकर्त्यांनाही आवाहन केले आहे की, जर कोणाला या दोन्ही मुली दिसल्या तर त्वरित माहिती द्यावी. आपल्या इंस्टाग्राम पोस्टमध्ये अंकिताने मुख्यमंत्री देवेंद्र फडणवीस यांनाही टॅग करून मदतीची याचना केली आहे.
