सोलापूर
82 वर्षाचे सुशीलकुमार शिंदे म्हणतात, मी अजूनही जवान
सोलापूर शहर काँग्रेस कमिटीच्यावतीने आज भारतीय राष्ट्रीय काँग्रेस पक्ष स्थापना दिनानिमित्त काँग्रेस भवन सोलापुर येथे “झेंडा वंदन” कार्यक्रम माजी केंद्रीय गृहमंत्री सुशीलकुमार शिंदे यांच्या हस्ते महाराष्ट्र प्रदेश काँग्रेस कार्याध्यक्षा आमदार प्रणिती शिंदे, शहर अध्यक्ष चेतन नरोटे, माजी आमदार प्रकाश यलगुलवार, विश्वनाथ चाकोते यांच्या व मान्यवर नेते मंडळी आणि कार्यकर्त्यांच्या उपस्थितीतीत संपन्न झाला.
यावेळी सुशीलकुमार शिंदे म्हणाले की, आज काँग्रेस पक्षाचा स्थापना दिवस साजरा होत असताना शहर काँग्रेसला नवीन अध्यक्ष म्हणून चेतन नरोटे यांची निवड झाली सर्वसामान्याचे आणि काँग्रेसच्या विचारावर काम करत प्रत्येक वार्ड मध्ये पदाधिकारी नेमून काँग्रेस पक्ष घराघरात पोहोचवून पक्ष बळकट करून सोलापुर महानगरपालिकेवर तिरंगा फड़कवा.
सोनिया गांधी, महागाई, बेरोजगारी, जातिभेद या विरोधात राहुल गांधी यांच्या नेतृत्वाखाली भारत जोडो यात्रा सुरु आहे या यात्रेत कित्येक किलोमीटर मी ही चाललो आहे. मी जरी ऐंशी, ब्याऐंशी वर्षाचा असलो तरी मी म्हातारा झालो नाही. मी अजुन जवान आहे. उरलेला काळ सर्वसामान्य जनतेसाठी आणि काँग्रेस पक्षासाठी काम करत काँग्रेसचा झेंडा पुढे घेऊन जाणार काँग्रेससाठी येणारा काळ कठीण असून कार्यकर्त्यांनी संघर्षासाठी तयार रहावे, असे आवाहनही केले. तसेच सर्वाना काँग्रेस स्थापना दिवसाच्या शुभेच्छा दिल्या.
सुशीलकुमारांच्या या वक्त्यानंतर सोलापुरातील नेटकऱ्यांमध्ये धुमाकूळ सुरू झाला आहे. याबाबत अनेक प्रतिक्रिया व्हायरल होत आहेत. सुशील कुमारजी, आता बस झालं घरी बसा आणि राजकारण सोडा, असा सल्ला देण्यात येत आहे.
