विधानसभा निवडणुकीसाठी राष्ट्रवादी काँग्रेस शरद पवार गटाकडून आज तिसरी यादी जाहीर करण्यात आली. शरद पवार गटाच्या तिसऱ्या यादीत परळीतून धनंजय मुंडे यांच्याविरोधात तगडा उमेदवार जाहीर केला. परळीतून राजेसाहेब देशमुख यांना मैदानात उतरवण्यात आले असून चिंचवडमधून राहुल कलाटे यांना उमेदवारी जाहीर करण्यात आली. राष्ट्रवादीच्या तिसऱ्या यादीमध्ये एकूण नऊ जणांना उमेदवारी जाहीर करण्यात आली आहे.
तिसऱ्या यादीनुसार करंजा मतदारसंघातून ज्ञायक पटणी, हिंगणघाटमधून अतुल वांदिले, हिंगणा मतदारसंघात रमेश बंग, अणुशक्तीनगर मतदारसंघात फहाद अहमद, चिंचवडमध्ये राहुल कलाटे, भोसरी मतदारसंघात अजित गव्हाणे, माझलगाव मतदारसंघात मोहन बाजीराव जगताप, परळी मतदारसंघातून राजेसाहेब देशमुख, तर मोहोळमधून सिद्धी रमेश कदम यांना उमेदवारी घोषित करण्यात आली आहे.
- राष्ट्रवादी काँग्रेस पार्टी शरदचंद्र पवार पक्षाची तिसरी यादी
- १. करंजा – ज्ञायक पटणी
- 2. हिंगणघाट – अतुल वांदिले
- 3. हिंगणा – रमेश बंग
- 4. अणुशक्तीनगर – फहाद अहमद
- 5. चिंचवड – राहुल कलाटे
- 6. भोसरी – अजित गव्हाणे
- 7. माझलगाव – मोहन बाजीराव जगताप
- 8. परळी – राजेसाहेब देशमुख
- 9. मोहोळ – सिद्धी रमेश कदम.
विधानसभा निवडणुकांसाठी उमेदवारी अर्ज भरण्याची अंतिम मुदत मंगळवार 29 ऑक्टोबर पर्यंतच आहे. त्यामुळे, उमेदवारांना अर्ज भरण्यासाठी तयारी करण्यास वेळ मिळावा, कार्यकर्ते व पदाधिकारी यांची राजी, नाराजी व बंडखोरी टाळली जावी, म्हणून पक्षांकडून खबरदारी घेतली जात आहे.
