जगप्रसिद्ध तिरुपतीचे लाडू तयार करण्यासाठी वापरण्यात येणाऱ्या तुपात जनावरांची चरबी ‘बीफ टॅलो’, ‘लार्ड’ (डुक्कराच्या चरबीशी संबंधित) आणि फिश ऑईल असल्याचा आंध्र प्रदेशचे मुख्यमंत्री चंद्राबाबू नायडू यांचा दावा खरा ठरला आहे. गुजरातमधील पशुधन प्रयोगशाळेने यास दुजोरा दिला आहे.
टीडीपीचे प्रवक्ते अनम वेंकट रमण रेड्डी यांनी पत्रकार परिषदेत प्रयोगशाळेचा कथित अहवाल सादर केला. नमुने स्वीकारण्याची तारीख ९ जुलै २०२४ होती आणि प्रयोगशाळेचा अहवाल १६ जुलैचा होता. या अहवालात असे सूचित केले गेले आहे की, तुपात फिश ऑईल, बीफ टॅलो आणि लार्डचे अंश होते, नंतर डुकराच्या चरबीयुक्त ऊतींपासून प्राप्त पांढरी चरबी होती.
जगनमोहन रेड्डी यांच्या नेतृत्वाखालील वायएसआरसीपी सरकारच्या काळात तिरुपतीच्या भगवान वेंकटेश्वराच्या मंदिरात प्रसाद म्हणून देण्यात येणाऱ्या लाडूंमध्ये तुपाऐवजी प्राण्यांच्या चरबीचा वापर करण्यात आल्याचा आरोप चंद्राबाबू नायडू यांनी अलीकडे केला होता.
