ब्रेकिंग! हनी ट्रॅपमध्ये अडकला नौदलाचा कर्मचारी! प्रिया शर्मा म्हणून तिने गंडवले

भारत आणि पाकिस्तानमधील संघर्षानंतर सुरक्षा एजन्सी अलर्ट मोडवर काम करत आहेत. यामुळे आरोपींना देशाच्या वेगवेगळ्या भागातून अटक केली जात आहे. राजस्थान पोलिसांच्या गुप्तचर शाखेने पाकिस्तानच्या गुप्तचर संस्थेसाठी हेरगिरी करण्याच्या आरोपाखाली नवी दिल्लीतील नौदल भवन येथील एका अप्पर डिव्हिजन क्लार्क (यूडीसी) ला अटक केली आहे. हेरगिरीच्या आरोपाखाली अटक केलेल्या विशाल यादवच्या चौकशीदरम्यान अनेक धक्कादायक खुलासे झाले आहेत.
तपासात असे दिसून आले की, आरोपी विशाल पैशाच्या लोभाने पाकिस्तानी हँडलरला माहिती देत होता. विशालने ऑपरेशन सिंदूरशी संबंधित माहिती देखील पाकिस्तानी हँडलरला दिली होती. त्या बदल्यात त्याला 50 हजार रुपये देण्यात आले होते. तपासात असे दिसून आले की, आतापर्यंत त्याच्या खात्यात दोन लाख रुपये आले आहेत. अटकेनंतर गुप्तहेर विशालला जयपूर न्यायालयात हजर करण्यात आले. न्यायालयाने विशालला चार दिवसांच्या पोलिस कोठडीत पाठवले आहे.
सीआयडी गुप्तचर सूत्रांनी सांगितले की, विशालने फेसबुकद्वारे पाकिस्तानी हँडलरशी मैत्री केली होती. पाकिस्तानी हँडलरने प्रिया शर्मा म्हणून विशालला फ्रेंडशिप रिक्वेस्ट पाठवली होती, त्यानंतर दोघेही बोलू लागले. दोघांनीही व्हॉट्सॲप
नंबर शेअर केले होते. नंतर टेलिग्राम वापरण्यास सुरुवात केली होती. अनेक महिने पाकिस्तानी हँडलर प्रिया शर्मा म्हणून विशालशी बोलत राहिला.
त्यानंतर तिने विशालला तिचे खरे नाव सांगितले आणि त्याला पैशाचे आमिष दाखवले, ज्यामुळे तो अडकला. आतापर्यंतच्या चौकशीत यूडीसी विशाल यादवने सांगितले की, माहिती देण्यासाठी तो प्रियाकडून पाच ते सहा हजार रुपये घेत असे.
यानंतर जेव्हा ऑपरेशन सिंदूर सुरू झाले. तेव्हा प्रिया म्हणाली तू दिलेली बातमी सी ग्रेडची आहे, जर तू चांगली बातमी दिलीस तर मी तुला जास्त पैसे देईन. यावर विशालने ऑपरेशन सिंदूर दरम्यानही महिला पाक हँडलरला नेव्ही आणि इतर संरक्षण संबंधित माहिती दिली. त्या बदल्यात त्याला एकदा 50 हजार रुपये मिळाले.
तपासात असे दिसून आले की, आरोपीने आतापर्यंत स्वतःच्या खात्यात एकूण दीड ते दोन लाख रुपये घेतले आहेत. क्रिप्टोकरन्सी ट्रेडिंग खात्यात काही पैसे USDT स्वरूपात देखील घेतले गेले होते. आरोपीच्या मोबाईलची फॉरेन्सिक तपासणी करण्यात आली, ज्यामध्ये अनेक धक्कादायक खुलासे झाले. त्यात पैशांचे व्यवहार, धोरणात्मक माहिती, मोबाईल चॅट आढळून आले. ऑपरेशन सिंदूर दरम्यान आरोपीने नौदल आणि इतर संरक्षण संबंधित माहिती महिला पाक हँडलरला दिल्याचे उघड झाले.