इंडियन आर्मीने आज सोशल मीडिया प्लॅटफॉर्म X वर ऑपरेशन सिंदूरचा नवा व्हिडिओ प्रसिद्ध केला आहे. इंडियन आर्मीच्या पश्चिम कमांडने शेअर केलेल्या व्हिडिओमध्ये म्हटले आहे, योजना आखली, प्रशिक्षण दिले आणि अंमलबजावणी केली.
व्हिडिओमध्ये इंडियन आर्मीच्या जवानाने म्हटले आहे, ही सुरुवात पहलगाम दहशतवादी हल्ल्यापासून झाली. राग नव्हता, ज्वालामुखी होता. मनात एकच गोष्ट होती, यावेळी असा धडा शिकवू की त्यांच्या पिढ्या आठवतील. ही बदला घेण्याची भावना नव्हती. हा न्याय होता.
जवानाने म्हटले, ९ मे रोजी रात्री ९ वाजता ज्या शत्रूच्या चौक्यांनी युद्धबंदीचे उल्लंघन केले, त्या सर्व चौक्या भारतीय सेनेने जमीनदोस्त केल्या. शत्रू आपल्या चौक्या सोडून पळताना दिसला. ऑपरेशन सिंदूर केवळ एक कारवाई नव्हती, तर पाकिस्तानसाठी तो धडा होता जो त्याने दशकांपासून शिकला नव्हता.
