आराधना संस्था व मधुरिया टूर्स अ‍ॅन्ड ट्रॅव्हल्स यांच्या संयुक्त विद्यमाने लुई ब्रेल जयंती व पत्रकार दिनानिमित्त राज्यस्तरीय आराधना पुरस्काराची घोषणा करण्यात आली आहे.
हा पुरस्कार वितरण सोहळा रविवार 8 जानेवारी रोजी सायंकाळी 6 वाजता सिध्देश्वर मंदिराजवळील फडकुले सभागृहात होणार आहे. यंदा दृष्टीबाधित आदर्श मार्गदर्शक मनोहर सुतार, दृष्टिबाधित आदर्श कलाकार सतीश वाघमारे, तर आदर्श पत्रकार म्हणून राजीव लोहकरे, प्रशांत कटारे यांचा सन्मान होणार आहे.
पुरस्कार विजेत्यांचा जिल्हाधिकारी मिलिंद शंभरकर, शहर पोलीस आयुक्त राजेंद्र मदने, मनपा आयुक्त शितल तेली-उगले यांच्या हस्ते होईल. प्रमुख अतिथी म्हणून नेत्रतज्ज्ञ डॉ. माधुरी वाळवेकर, जिल्हा माहिती बालविकास अधिकारी विजय खोमणे, पोलीस निरीक्षक विजया कुर्री, पोलीस निरीक्षक उदयसिंह पवार, दशरथ गोप आदी उपस्थित राहणार आहेत. अध्यक्षस्थान सोलापूर रेडिमेड कापड संघाचे अध्यक्ष राजेश शहा भूषविणार आहेत.
