- कौटुंबिक हिंसाचार प्रकरणी वांद्रे येथील कौटुंबिक न्यायालयाने मंत्री धनंजय मुंडेंना करूणा शर्मांना दर महिन्याला दोन लाखांची पोटगी देण्याचे आदेश दिले. मात्र, कोर्टाचा हा निकाल करुणा शर्मांना मान्य नाही. मला पोटगी म्हणून १५ लाख रुपये हवे, यासाठी आपण हायकोर्टात जाणार असल्याची भूमिका करूणा शर्मांनी घेतली. यावर आता सिशिव धनंजय मुंडे याने भाष्य केले.
- माझ्या आईला कोणत्याही आर्थिक विवंचना नाहीत. तरी सुद्धा तिने घराचे कर्जाचे हप्ते भरायचे नाही, असे जाणीवपूर्वक ठरवले, असा आरोप सीशिव याने केला.
- करुणा शर्मा आणि धनंजय मुंडे यांचा १८ वर्षांचा मुलगा सिशिव धनंजय मुंडे याने इंस्टाग्रामवर एक स्टोरी पोस्ट केली. त्यात त्याने लिहिले की, मी सिशिव धनंजय मुंडे. मला आता बोलणे भाग आहे. कारण माध्यमांनी आमच्या कुटुंबाला मनोरंजनाचा विषय बनवून टाकले आहे. माझा बाप जगातला सर्वोत्कृष्ट बाप नसला तरी तो आम्हा भावंडांना कधीही हानीकारक नव्हता. माझी आई कायम तिच्या अनेक कारणांमुळे बाधित असायची आणि त्याचा वचपा ती आम्हाला वेदना देऊन काढायची, असे सिशिव याने सांगितले.
- जो घरेलू हिंसाचार तिच्यासोबत झाला, असा ती दावा करते. तो घरेलु हिंसाचार खरंतर मी, माझी बहीण आणि माझे वडील यांच्यासोबत तिच्याकडून व्हायचा.
- माझ्या वडिलांना तिच्याकडून होणारा शारीरिक आणि मानसिक जाच असह्य झाल्यानंतर ते तिला सोडून गेल्यावर तिने मला आणि माझ्या बहिणीलासुद्धा घर सोडून जायला सांगितले. कारण तिच्या मते तिचा आणि आमचा (जन्मदाती आई असूनही) काहीही संबंध राहिला नव्हता, असे सिशिव म्हणाला.
