विद्येचे माहेर घर असलेलया पुण्यातून क्रूरतेलाही लाजवेल, अशी घटना समोर आली आहे. पत्नीची हत्या करून पतीने साडेतीन मिनिटांचा व्हिडिओ बनवल्याचा धक्कादायक प्रकार समोर आला. या घटनेनंतर हत्या करणारा पती स्वत: पोलीस स्टेशनमध्ये हजर झाला. चारित्र्याच्या संशयावरुन आणि प्रॉपर्टी हडप करण्याच्या संशयातून ही हत्या झाल्याचा प्राथमिक अंदाज वर्तवण्यात आला असून खराडी परिसरात ही घटना घडली आहे. काही दिवासांपूर्वी विमाननगर परिसरातील एका कंपनीत तरूणाने तिच्या मैत्रिणीवर भर रस्त्यात सपासप वार करून तिची हत्या केली होती. त्यानंतर आता या परिसरात पतीने त्याच्या पत्नीची हत्या करून व्हिडिओ बनवल्याचा प्रकार समोर आला आहे. ज्योती शिवदास गीते असे हत्या करण्यात आलेल्या महिलेचे नाव असून शिवदास तुकाराम गिते असे हत्या करणाऱ्या आरोपी पतीचे नाव आहे.
ज्योतीची हत्या केल्यानंतर शिवदासने अंदाजे साडेतीन मिनिटांचा व्हिडिओ बनवला आहे. यात तो तू लक्ष्मी होती, प्रॉपर्टी हडप केली, अशा प्रकारची भाषा रेकॉर्ड केलेल्या व्हिडिओत असल्याचे सांगितले जात आहे. त्यामुळे ही हत्या प्राथमिकदृष्ट्या मालमत्तेच्या प्रकरणावरून झाल्याचा अंदाज असून हत्या करणारी व्यक्ती मानसिक रूग्ण होता का? किंवा यामागे आणखी काही कारण आहे याचा तपास पोलिसांकडून सुरू करण्यात आला आहे.
याबाबत पोलिसांनी दिलेल्या माहितीनुसार शिवदास हा मूळचा बीडचा राहणारा आहे. तो कोर्टात स्टेनो म्हणून नोकरी करतो. खराडी परिसरात तो भाड्याने राहत आहे. पती-पत्नीमध्ये घरगुती कारणावरून भांडणे होत होती. शिवदास यांनी घरातील कात्रीने ज्योतीच्या गळ्यावर वार करून तिचा खून केला. माझी प्रॉपर्टी माझी पत्नी हडप करेल, असा त्याला संशय होता. या संशयात त्याने ज्योतीचा खून केला.
Admin 
