भाजपाचे विधान परिषदेचे आमदार योगेश टिळेकर यांच्या मामाचे पुण्यात भर चौकात अपहरण करण्यात आल्याची घटना घडली. चार चाकी वाहनातून आलेल्या चौघांनी अपहरण केले असून याबाबत हडपसर पोलीस ठाण्यात गुन्हा नोंद करण्यात आला आहे.
मिळालेल्या प्राथमिक माहितीनुसार टिळेकर यांचे मामा सतीश वाघ हे आज सकाळी सोलापूर रस्त्यावरील ब्लू बेरी हॉटेल समोर थांबले असता अचानक एक चार चाकी समोर येऊन थांबली आणि त्यातील दोघा जणांनी त्यांना गाडीत बसवून त्यांचे अपहरण केल्याची माहिती मिळत आहे.
याबाबत माहिती मिळताच वाघ यांच्या मुलाने हडपसर पोलीस ठाण्यात तक्रार दाखल केली असून या तक्रारीच्या आधारे पोलिसांनी अज्ञात आरोपींनी विरोधात गुन्हा दाखल केला आहे. वाघ यांचे अपहरण करून आरोपी सोलापूरच्या दिशेने गेले.
