- राज्यभरात आज विधानसभा निवडणुकीसाठी मतदान पार पडले. या संपूर्ण प्रक्रियेसाठी राज्यभरामध्ये तब्बल पाच लाखांपेक्षा जास्त कर्मचारी तैनात करण्यात आलेले होते. तर संपूर्ण राज्यात 1 लाख 427 मतदान केंद्र देखील सज्ज करण्यात आलेली होती. दरम्यान, सोलापूर जिल्ह्यातील विविध मतदारसंघांमध्ये उस्फूर्तपणे मतदान झाले. मतदान केंद्रावर मतदारांच्या रांगा होत्या. मुंबई, पुणे, सोलापूर, कोल्हापूर, सांगली यासारख्या मोठ्या शहरांमध्ये मतदानाला मोठा प्रतिसाद मिळाला. दरम्यान सोलापूर जिल्ह्यात सर्व मतदारसंघात सरासरी एकूण 57.09 टक्के मतदान झाले.
