- सोलापूर शहर उत्तर विधानसभा मतदारसंघातील राष्ट्रवादी काँग्रेस शरद पवार गटाचे उमेदवार महेश कोठे यांच्या प्रचारार्थ प्रभाग क्रमांक पाचमध्ये भव्य पदयात्रा काढण्यात आली. बुधवार पेठेतील मातंग वस्ती येथून या पदयात्रेचा शुभारंभ करण्यात आला. या पदयात्रेत ठीकठिकाणी महेश कोठे यांचे हार घालून आणि महिलांनीऔक्षण करून स्वागत केले. यावेळी फटाक्यांची आतीषबाजी करण्यात आली. ढोल ताशांच्या गजरात ही पदयात्रा मार्गस्थ झाली.
- दरम्यान यावेळी प्रतिक्रिया व्यक्त करताना महेश कोठे म्हणाले, तीन हजार शिलाई मशीनचा मोठा प्रोजेक्ट मी येथे उभा करणार आहे. तेव्हा तुम्हाला रोजगार उपलब्ध करून देणार आहे.
- शहर उत्तरमध्ये वीस वर्षे नेतृत्व करणाऱ्या आमदाराने कोणतेही उद्योगधंदे आणण्यासाठी प्रयत्न केले नाही सोलापुरात उद्योगधंदे नसल्यामुळे मोठ्या प्रमाणात युवक वर्ग नोकरीसाठी पुणे, मुंबईला जात असून त्यामुळे त्यांच्या आई-वडिलांमध्ये राग असून तो राग मतपेटीतून व्यक्त होईल. त्यामुळे यंदा शहर उत्तरमध्ये परिवर्तन अटळ असल्याचा दावा महेश कोठे यांनी केला. या पदयात्रेत राष्ट्रवादी काँग्रेस शरद पवार गटाचे कार्यकर्ते आणि नागरिक मोठ्या संख्येने उपस्थित होते.
