विधानसभा निवडणुकीच्या तोंडावर सर्वच राजकीय नेते आपापला प्रचार करण्यात व्यस्त आहेत. आंबेगाव विधानसभा मतदारसंघातील महायुतीचे उमेदवार दिलीप वळसे पाटील यांनी पत्रकारांशी संवाद साधला.
महाराष्ट्राच्या राजकारणात पुढे काय होईल, हे सांगणे अवघड आहे. प्रत्येक पक्षाचे किती आमदार निवडून येतात, हे महत्वाचे आहे. निवडणुकीनंतर काही राजकीय समीकरणे सुद्धा बदलतील. सरकार आणण्यासाठी गणित जुळवावे लागेल, सहा पक्ष आहेत. त्यामुळे कोणत्या पक्षाचे किती आमदार निवडूण येणार, यावर सरकार स्थापनेचे समीकरण ठरणार आहेत. त्यामुळे मॅथेमॅटिक्स जुळवायला खूप वाव आहे, असे वळसे पाटलांनी सांगितले आहे.
