- सध्या राज्यातील विविध भागात विधानसभा निवडणुकीची रणधुमाळी सुरू झाली आहे. अर्ज दाखल करण्याची मुदत संपल्यानंतर आता खऱ्या अर्थाने प्रचाराला वेग आला आहे. पंतप्रधान नरेंद्र मोदी यांचा महाराष्ट्र दौरा निश्चित झाला असून विधानसभा निवडणुकांसाठीच्या प्रचारासाठी मोदी आठ नोव्हेंबर रोजी महाराष्ट्रात येणार आहेत. चार दिवसांत नऊ सभांचे नियोजन करण्यात आले आहे.
- आठ नोव्हेंबरला महायुतीची पहिली मोठी सभा होणार असून मोदी यांच्या प्रमुख उपस्थितीत विधानसभा निवडणुकांच्या प्रचार सभांचा नारळ फुटणार आहे. मोदी यांच्या राज्यातील प्रचार सभांमध्ये नाशिक, धुळे, नंदुरबार, अहमदनगर यांसह विविध ठिकाणांचा समावेश आहे.
- नियोजित कार्यक्रमानुसार आठ नोव्हेंबरला धुळे, नाशिक, नऊ नोव्हेंबर रोजी अकोला, चिमूर, तेरा नोव्हेंबर रोजी सोलापूर, कोल्हापूर आणि चौदा नोव्हेंबर रोजी संभाजी नगर, नवी मुंबई व मुंबई याठिकाणी मोदींच्या सभा होणार आहेत. दरम्यान यात बदल होण्याचीसुद्धा शक्यता आहे.
