विधानसभा निवडणुकीसाठी अर्ज करण्यासाठी आज शेवटचा दिवस असून उमेदवारी अर्ज सादर करण्याची लगबग सुरू झाली आहे. महाविकास आघाडी तसेच महायुतीकडून जवळपास सगळ्याच उमेदवारांनी अर्ज सादर केले आहेत. सोलापूर दक्षिण मतदारसंघातून दिलीप माने यांनी आज अपक्ष म्हणून आपला उमेदवारी अर्ज दाखल केला. दरम्यान आता श्री सिद्धेश्वर साखर कारखान्याचे मार्गदर्शक संचालक धर्मराज काडादी यांनी आज आपला उमेदवारी अर्ज दाखल केला आहे. यावेळी राजशेखर शिवदारे, बाळासाहेब शेळके यांच्यासह मान्यवर उपस्थित होते. यामुळे आता या मतदारसंघात नवा ट्विस्ट निर्माण झाला आहे.
