सोलापूर (प्रतिनिधी) तू आम्हाला पसंत नाही,तुला स्वयंपाक करता येत नाही,तू शिकलेली नाही, असे सासरकडच्या मंडळींनी संगनमत करून विवाहितेला बोलत उपाशी ठेवून चारित्र्यावर संशय घेऊन मारहाण करत माहेरी सोडल्याप्रकरणी पतीसह सासू दिराविरुद्ध एमआयडीसी पोलीस ठाण्यात गुन्हा दाखल करण्यात आला आहे.
ही घटना १७ मार्च २०१५ ते सन २०२२ रोजी दरम्यान सासरी गुंजेगाव तालुका मंगळवेढा येथे घडली. याप्रकरणी दिपाली शिवशंकर लंगोटे (वय-२६,रा. नीलम नगर, इंगळे वस्ती) यांनी एमआयडीसी पोलीस ठाण्यात फिर्याद दाखल केली आहे. त्यांच्या फिर्यादीवरून पती शिवशंकर लंगोटे,सासू जगदेवी लंगोटे,दीर श्रीपाद लंगोटे (सर्व.रा.मु.पो.गुंजेगाव ता.मंगळवेढा) यांच्याविरुद्ध गुन्हा दाखल झाला आहे. पुढील तपास पोलीस हवालदार मुजावर हे करीत आहेत.
