राज्यात एक संतापजनक घटना घडली आहे. एका 18 वर्षीय नर्सिंग विद्यार्थींचा विनयभंग आणि अपहरण करण्याचा प्रयत्न केल्याचा धक्कादायक प्रकार उघडकीस आला आहे.
आरोपींमध्ये चार पोलीस आणि दोन सरकारी कर्मचारी असल्याची माहिती आहे. सर्व आरोपींना पोलिसांनी ताब्यात घेतले आहे. सुत्रांकडून मिळालेल्या माहितीनुसार, आरोपींमध्ये वसई येथील दोन पोलिस कॉन्स्टेबल, एक सीआयएस जवान आणि एसआरपीएफ जवान यांचा समावेश आहे. हे सर्व जण वसई येथून भाड्याने घेतलेल्या कारने गोव्याला जात होते. पीडितेने दिलेल्या तक्रारीनुसार, मंगळवारी सकाळी 5.30 वाजता बस स्टॉपवर उभी असताना एक पुरुष रस्ता विचारण्याच्या बहाणा करून जवळ आला.
तिने दुर्लक्ष करून पुढे जाण्याचा प्रयत्न केला. परंतु त्या अज्ञात पुरुषाने तिचा पाठलाग केला. तिच्यावर अश्लिल कमेंट देखील केले. हरिराम असे त्याचे नाव होते.
पुढे जाऊन त्याने मित्राच्या मदतीने पीडितेला कारमध्ये बसवले. तेवढ्यात मुलीने आरडाओरड सुरु केला. तरुणीचा आवाज ऐकताच पादचारी कारजवळ आले आणि तरुणीची सुटका केली. घटनेची माहिती पोलिसांना दिली.
