राज्यात पुढील 48 तासांत वादळी पावसाची शक्यता असल्याचा अंदाज हवामान विभागाने वर्तवण्यात आला. राज्यात पुन्हा एकदा पाऊस सक्रिय झाला आहे. कोकण,मध्य महाराष्ट्र, मराठवाडा या भागातील जिल्ह्यांना पावसाचा यलो अलर्ट जारी करण्यात आला आहे. कोकणातील रायगड, रत्नागिरी आणि सिंधुदुर्गमध्ये ऑरेंज अलर्ट देण्यात आला आहे. नागरिकांनी योग्य ती खबरदारी घ्यावी, असे आवाहन करण्यात आले आहे.
परतीच्या पावसाने राज्यातील अनेक जिल्हात कहर केला आहे. यामध्ये नाशिक, अहमदनगर,धुळे, जळगाव, नंदुबार आणि जळगावमध्ये परतीच्या पावसाने जोरदार हजेरी लावली आहे. आजपासून पुढील चार दिवस पुणे, सांगली, सोलापूर, संभाजीनगर, पालघर, ठाणे, धुळे, नंदुरबार, जळगाव, नाशिक, नगर, जालना, लातूर, धाराशिव, अमरावती, बुलढाणा, चंद्रपूर, गडचिरोली, नागपूर, यवतमाळ या जिल्ह्यात हवामान खात्याने यलो अलर्ट जारी केला आहे.
