माझा पोरगा एकदम भोळा, गरीब गाय आहे. त्याला खोट्या गुन्ह्यात अडकवून मारून टाकले, असा आरोप बदलापूर लैंगिक अत्याचार प्रकरणातील आरोपी अक्षय शिंदे याच्या आईने माध्यमांशी बोलताना केला आहे. तळोजा तुरुंगातून ठाण्यात नेत असताना पोलीस व्हॅनमध्ये झालेल्या चकमकीत अक्षय हा ठार झाला. ज्यानंतर त्यांच्या कुटुंबीयांनी पोलिसांवर गंभीर आरोप केले.
अक्षय याच्या आई-वडिलांनी पोलीस प्रशासनावर थेट आरोप केले की, त्यांनी पैसे घेऊन आपल्या मुलाची हत्या केली. माझ्या पोराला पैसे देऊन मारून टाकले. माझी भरपाई करून द्या. नाही तर आम्ही तिथे येऊ. आम्हाला पण गोळ्या घाला. आम्ही पण मरायला तयार आहे. माझ्या पोराने कधी फटाके नाही वाजवले. दिवाळीच्या वेळेस एखादा फटाका वाजवायला पण माझा पोरगा घाबरायचा. माझा पोरगा असं करू शकत नाही. पैसे देऊन पोराला मारून टाकले, असा आरोप अक्षय याच्या आईने केला आहे.
