- सोलापूर (प्रतिनिधी) बाळाला चेकअप करिता घेऊन आलेल्या फिर्यादी सविता पांडुरंग शिरगिरे (वय-३१, रा.मु. पो. उमरगा ता. तुळजापूर) यांनी त्यांच्या वार्ड नंबर १ चा दरवाजा उघडून आत प्रवेश केला.
त्यावेळी रूममधील बाथरूममध्ये बाळाला आंघोळ करताना त्यांच्या मुलीने काढून ठेवलेले तीस हजार रुपये किमतीचे ३.५ ग्रॅमचे सोन्याचे मनी मंगळसूत्र अज्ञात चोरट्याने चोरून नेले आहे. अशा आशयाची फिर्याद सविता शिरगिरे यांनी सदर बझार पोलिस ठाण्यात दिली आहे. त्यांच्या फिर्यादीवरून अज्ञात चोरट्याविरुद्ध गुन्हा दाखल झाला आहे. ही घटना २० सप्टेंबर रोजी सकाळी साडेआठ ते साडेनऊ वाजण्याच्या दरम्यान घडली. पुढील तपास पोलीस हेड कॉन्स्टेबल सरतापे हे करीत आहेत.
