शिवसेनेचे संस्थापक बाळासाहेब ठाकरे यांच्या सून स्मिता ठाकरे यांनी एका मुलाखतीत काही मोठे खुलासे केले आहेत. तसेच एक गौप्यस्फोट देखील त्यांनी आपल्या या मुलाखतीत केला आहे. बाळासाहेबांनी सलग तीन वर्ष राज्यसभेची उमेदवारी देऊ, असा शब्द मला दिला होता.
पण त्यांना उमेदवारी देता आली नाही, असे म्हणत स्मिता ठाकरेंनी एकूणच ठाकरे कुटुंबातील अंतर्गत कलह आणि राजकारण यावर भाष्य केले आहे.
उद्धव ठाकरे यांना मुख्यमंत्री पदावरून एकनाथ शिंदेंमुळे पायउतार व्हावे लागले असतानाही त्यांच्याच जाहीर सभेला स्मिता गेल्या होत्या. त्यामुळे सर्वांच्याच भुवया उंचावल्या होत्या. जेव्हा शिवसेनेची सूत्रं ही बाळासाहेबांकडून उद्धव ठाकरेंकडे जाऊ लागली, तेव्हा स्मिता या देखील साईडलाइन होऊ लागल्या. याच सगळ्यावर स्मिता ठाकरेंनी आपल्या मुलाखतीत भाष्य केले आहे.
बाळासाहेबांनी राज्यसभा उमेदवारीचा शब्द सलग तीनदा दिला होता. मात्र, ती न मिळण्यामागे नेमकं कोण होते हे आज प्रत्येकाला माहिती आहे, असे सूचक विधान स्मिता ठाकरेंनी केले.
