सोलापूर शहर व परिसरात अलीकडे अपघाताचे प्रमाण वाढले आहे. आज पहाटे सोलापूर जिल्ह्यात अपघाताची घटना घडली आहे. पुणे-सोलापूर महामार्गावर अज्ञात वाहनाने कारला धडक दिली. या धडकेत कारमधील चार महिला भाविकांचा जागीच मृत्यू झाला. यात सहा जण जखमी झाले आहेत. जखमींना तातडीने उपचारासाठी सोलापूर येथील शासकीय रुग्णालयात दाखल करण्यात आले आहे.
पोलिसांनी दिलेल्या माहितीनुसार, कारमधील अपघातग्रस्त महिला भाविक रांजणगाव (ता. पारनेर जि. अहमदनगर) येथून तुळजापूर येथे दर्शनासाठी निघाल्या होत्या. दरम्यान, कार मोहोळ तालुक्यातील यावलीजवळ आली असता, आज पहाटे ५ वाजेच्या सुमारास अज्ञात वाहनाने कारला धडक दिली. ही धडक इतकी भीषण होती, की कारमधील तीन महिलांचा जागीच तर एका महिलेचा उपचारा दरम्यान मृत्यू झाला आहे.
