- सध्या राज्यभर मस्साजोगचे सरपंच संतोष देशमुख हत्या प्रकरणाची चर्चा सुरू आहे. या प्रकरणाचा खुलासा करण्यासाठी सीआयडी व एसआयटी पथक नेमक्यात आले आहे. पोलिसांनी या हत्या प्रकरणात सहभागी असलेल्या आरोपींना राज्यातील विविध भागातून ताब्यात घेतले आहे. वाल्मिक कराडसह खंडणी प्रकरणातील मुख्य आरोपी सुदर्शन घुले आणि सुधीर सांगळे दोघेही सध्या अटकेत आहेत. दरम्यान त्यांची कसून चौकशी केली जात आहे.
- देशमुख हत्या प्रकरणात कराड हाच मास्टरमाईंड असून त्याच्यावर असा गुन्हा दाखल करा, अशी मागणी सातत्याने केली जात आहे. देशमुख यांची हत्या आणि पवनचक्की खंडणी प्रकरणातील सर्वच गुन्हेगार अट्टल असून त्यांच्या गुन्ह्यांची यादीच आता समोर आली आहे. मुख्य आरोपी घुले हा तर कराडच्याही पुढचा असल्याचे समोर आले आहे.
- मुख्य सूत्रधार असल्याचा आरोप होत असलेला खंडणीखोर कराड याच्यावर तब्बल 19 गुन्ह्यांची नोंद आहे. तर घुलेवरही 19 गुन्हे दाखल आहेत. फरार आरोपी कृष्णा आंधळेवर सहा गुन्ह्यांची नोंद आहे. महेश केदारवर देखील सहा गुन्ह्यांची नोंद आहे. खंडणीखोर वाल्मिकवर तर हाफ मर्डरचा गुन्हा दाखल आहे.
