शाहरुख खान आणि दीपिका पदुकोण यांच्या पठाण चित्रपटाचा वाद दिवसेंदिवस वाढत आहे. या चित्रपटातील बेशरम रंग गाण्याचा ट्रेलर नुकताच लॉन्च करण्यात आला आहे. यामध्ये दीपिका भगव्या रंगाच्या बिकिनीमध्ये दिसत आहे.
यावरून हिंदुत्ववादी संघटना आक्रमक झाले आहेत. ज्या सिनेमागृहात हा चित्रपट प्रदर्शित होईल तो सिनेमागृह जाळून टाका, अशी धमकी देण्यात आली आहे. दरम्यान आता या वादात नव्याने भर पडली आहे. कारण दीपिकाची बिकिनी भगव्या रंगाची नव्हे तर चिस्ती रंगाची आहे, असा दावा करण्यात येत आहे.
पठाणच्या या वादात मुस्लिम संघटनेने उडी घेतली आहे. आरटीआयचे कार्यकर्ते दानिश खान यांनी हा नवा दावा केला आहे. पठाण चित्रपटातील या गाण्यातील सीन्सवर खान यांनी हा मुस्लिम धर्माचा अपमान असल्याचे सांगितले आहे. याबाबत आपण राष्ट्रीय मानवाधिकार आयोगाकडे तक्रार दाखल केल्याचे त्यांनी स्पष्ट केले. तसेच या गाण्यातून हिंदू मुस्लिम समाज बांधवात फूट पाडण्याचा प्रयत्न झाल्याचा मोठा आरोप त्यांनी केला.
