गुजरातमधील निवडणुकीदरम्यान अनेक नेत्यांची वादग्रस्त विधाने चर्चेत येत आहेत. आता अहमदाबादमधील जामा मशिदीच्या शाही इमामाचे एक वादग्रस्त विधान समोर आले आहे.जामा मशिदीचे शाही इमाम शब्बीर अहमद सिद्दीकी यांनी म्हटले की, मुस्लिम महिलांना निवडणुकीत तिकीट देणे इस्लामच्या विरोधात आहे. हे लोक इस्लामला कमजोर करत आहेत. तुम्ही महिलांना तिकीट देताय. आता पुरुष उरला नाही का? अशा उपक्रमांमुळे आम्ही हिजाब सुरक्षित ठेवू शकणार नाही. अशा उपक्रमाला माझा तीव्र विरोध आहे.
सिद्दीकी म्हणाले की, इस्लाममध्ये नमाजला खूप महत्त्व आहे. नमाजला एकही महिला उपस्थित नसल्याचे तुम्ही येथे पाहिले.
जर इस्लाममध्ये महिलांना अशा प्रकारे पुढे येण्याची परवानगी असती तर त्यांना मशिदीपासून रोखले गेले नसते. महिलांना मशिदीत येण्यापासून थांबवण्यात आले कारण इस्लाममध्ये महिलांना एक वेगळे स्थान आहे. म्हणूनच कोणी महिलांना तिकीट देईल. ते लोक इस्लामविरुद्ध बंड करतात. ही प्रथा इस्लामविरोधी आहे.
