कर्नाटकचे मुख्यमंत्री बसवराज बोम्मई यांनी महाराष्ट्रातील सोलापूर, अक्कलकोट आणि जत तालुक्यावर दावा ठोकला आहे. त्यामुळं शिंदे सरकारच्या अडचणी वाढल्या आहेत. सीमावादावरून बोम्मई आणि महाराष्ट्राचे उपमुख्यमंत्री देवेंद्र फडणवीस यांच्यात ट्वीटर वार झाल्याचंही पाहायला मिळालं. त्यानंतर आता सीमावाद आणखी पेटत असतानाच कर्नाटकातून येणाऱ्या गुळावर महाराष्ट्रात बंदी घालण्याचा निर्णय शिंदे सरकारने घेतला आहे.
त्यामुळं यावरून राजकारण पेटण्याची शक्यता आहे. कोल्हापूर जिल्ह्यात कर्नाटकच्या गुळावर बंदी घालण्यात आली आहे. कोल्हापूरातील मार्केट यार्डमध्ये कर्नाटकातील गूळ विक्रीवर बंदी घालण्याचे आदेश कोल्हापूरच्या जिल्हाधिकारी राहुल रेखावार यांनी काढले आहेत.
ज्या व्यापाऱ्यांकडे कर्नाटकात तयार झालेला गूळ आढळला तर त्यांच्यावर फसवणुकीचे गुन्हे दाखल करण्याचेही आदेश जिल्हाधिकाऱ्यांनी दिले आहेत.
