दाऊद इब्राहिमला नडणाऱ्या अंडरवर्ड डॉन अरुण गवळीची आज नागपूर मध्यवर्ती कारागृहातून सुटका झाली आहे. मागच्या गेटने पोलिसांनी मीडियापासून लपवत गवळी यांची सुटका केली आहे. गवळीची 18 वर्षांनंतर नागपूर तुरुंगातून सुटका झाली आहे. सर्वोच्च न्यायालयाकडून जामीन मंजूर केल्यानंतर आज त्यांची सुटका झाली आहे.
सर्वोच्च न्यायालयाने गवळी यांना जामीन मंजूर केला आहे. गवळी हे मुंबई शिवसेना नगरसेवक कमलाकर जामसांडेकर यांच्या हत्येप्रकरणी नागपूर मध्यवर्ती कारागृहात जन्मठेपेची शिक्षा भोगत होते. नागपूर पोलिसांनी सुरक्षा व्यवस्थेत गवळी यांना नागपूरच्या डॉ. बाबासाहेब आंबेडकर विमानतळपर्यंत आणले. आता अरुण गवळी विमानाने मुंबईच्या दिशेने रवाना होतील.
मुंबईत २००७ मध्ये जामसांडेकर हत्येप्रकरणी जन्मठेपेची शिक्षा भोगत असलेले कुख्यात गुंड डॅडी गवळी यांना सर्वोच्च न्यायालयाने आज जामीन मंजूर केला होता. जामसांडेकर यांची घाटकोपर येथे त्यांच्या निवासस्थानी भरदिवसा हत्या करण्यात आली होती. जामीन मंजूर करण्यात आल्याने गवळी यांच्या सुटकेचा मार्ग मोकळा झालेला आहे. मात्र सर्वोच्च न्यायालयाने जामीन मंजूर केला असला तरी त्यासंदर्भातील अटी-शर्ती सत्र न्यायालय निश्चित करेल, असे स्पष्ट केले होते. त्यामुळे मुंबई सत्र न्यायालयातून अटी-शर्ती निश्चित झाल्यावर जामिनासंदर्भात ऑर्डर जारी झाली. त्याची प्रत नागपूर मध्यवर्ती कारागृहात आल्यानंतर आज गवळी यांची सुटका करण्यात आली आहे.
Admin 
