राज्यातील शेतकऱ्यांच्या समस्या दिवसेंदिवस गंभीर होत आहेत. शेतकरी आंदोलन करत आहेत. त्यात राज्याचे कृषीमंत्री माणिकराव कोकाटे मात्र विविध वादग्रस्त वक्तव्ये करण्यात व्यस्त आहेत. त्यात आता कोकाटेंच्या अडचणीत आणखी वाढ झाली आहे. ते म्हणजे आता कोकाटेंचा थेट जंगली रम्मी खेळताना दिसत आहेत. हा व्हिडीओ राष्ट्रवादीच्या शरद पवार गटाचे आमदार रोहित पवार यांनी सोशल मिडीयावर शेअर केला आहे. त्यात त्यांना जंगली रमी पे आओ ना महाराज, असे म्हणत कोकाटेंना खोचक टोला लगावला आहे.
सत्तेतल्या राष्ट्रवादी गटाला भाजपला विचारल्याशिवाय काहीच करता येत नाही. म्हणूनच शेतीचे असंख्य प्रश्न प्रलंबित असताना, राज्यात रोज 8 शेतकरी आत्महत्या करत असताना सुद्धा काही कामच नसल्याने कृषिमंत्र्यांवर रम्मी खेळण्याची वेळ येत असावी. रस्ता भरकटलेल्या या मंत्र्यांना आणि सरकारला पिकविमा-कर्जमाफी-भावांतर ची मागणी करणाऱ्या शेतकऱ्यांची “कभी गरीब किसानो कीं खेतीपर भी आओ ना महाराज ही आर्त हाक ऐकू येईल का? कधी शेतीवर या महाराज, खेळ थांबा कर्जमाफी द्या, असे म्हणत पवार यांनी कोकाटेंना खोचक टोला लगावला आहे.
दरम्यान पवार यांनी शेअर केलेल्या या व्हिडीओनंतर राज्यातील राजकारण पु्न्हा तापणार आहे. राज्य सरकारच्या अडचणी यामुळे वाढू शकतात. नुकत्याच विधान भवनातील मारामाऱ्यांवरून विरोधकांनी सरकारला घेरलेले असताना आता कोकाटेंचा रम्मी खेळतानाचा व्हिडीओची भर पडली आहे.
Admin 
