- अभिनेत्री रश्मिका मंदाना हिचा देशभरात प्रचंड चाहता वर्ग आहे. तिचे चाहते नेहमीच उत्सुक असतात की, ती पुढे काय करणार आहे. कालच रिलीज झालेल्या एका जबरदस्त पोस्टरनंतर रश्मिकाच्या पुढच्या ‘मैसा’ सिनेमाचे जोरदार लॉन्च करण्यात आलं, जिथे बॉलिवूड आणि टॉलीवूडमधील अनेक स्टार्सनी आज सकाळी अधिकृत पोस्टर शेअर केले. ‘पुष्पा 2: द रूल’ नंतर रश्मिका आणखी एका भव्य पॅन इंडिया सिनेमासाठी सज्ज झाली आहे – ‘मैसा’.
- अनफॉर्मूला फिल्म्सच्या बॅनरखाली बनलेल्या या सिनेमात एका स्त्री योद्धीची हिम्मत, धैर्य आणि लढ्याची कहाणी उलगडली जाणार आहे. या सिनेमाचा पोस्टर खरंच ‘आतापर्यंत कधीही न पाहिलेला’ असाच लूक देतो, ज्यामध्ये रश्मिकाच्या चेहऱ्यावरचे तेज आणि तिच्या नजरेतून झळकणारा आत्मविश्वास सहज जाणवतो.
- हा सिनेमा एक जबरदस्त भावनिक अॅक्शन कथा असणार आहे, जी आपल्याला गोंड आदिवासींच्या अनोख्या आणि आजवर न पाहिलेल्या जगात घेऊन जाते. याशिवाय रश्मिकाकडे आगामी काळात अनेक दमदार प्रोजेक्ट्स आहेत. ती लवकरच आयुष्मान खुरानासोबत मॅडॉक फिल्म्सच्या हॉरर-कॉमेडी ‘थामा’मध्ये दिसणार आहे. तसेच चाहत्यांच्या अत्यंत प्रतीक्षेत असलेल्या ‘पुष्पा 3’मध्येही ती तिच्या आयकॉनिक श्रीवल्लीच्या भूमिकेत परतणार आहे.
