परळीचे आमदार धनंजय मुंडे अन् वाल्मिक कराड यांच्याबाबत गौप्यस्फोट करणारे बडतर्फ पोलीस अधिकारी रणजित कासले यांना जामीन मिळाला आहे. जामीन मिळाल्यानंतर कासले यांचा पहिलाच व्हिडिओ समोर आला आहे. या व्हिडिओत कासलेंनी म्हटले की, सगळे गद्दार निघाले पण जनता मायबाप निघाली. माझी बेल होवून आठ दिवस झाले. या सगळ्यात माझ्या कुटुंबाला सगळ्यात जास्त त्रास झाला. मला धमक्या दिल्या जात आहेत.
मला स्टंटबाजी करायची असती तर वाल्मिकचे एनकाउंटर केले नसते का? मला बीडमधल्या सबजेलमध्ये ठेवले होते. तिथे वाल्मिक कराडला चहा आला, तो देखील कपामध्ये. अन् मला प्लास्टिकमध्ये चहा देण्यात आला. त्यावेळी मला लगाच लक्षात आले की, हे सगळे मॅनेज झालेले आहे. पंचवीस हजाराची कॅंटीन तो स्वत:च्या नावावर घेतो.
मित्रांनो, लगेच त्याने अर्ज केला. कासले इथं येवून उद्योग-धंदे करायला लागले, येथून त्याला हलवा. सुरक्षेच्या कारणास्तव बंद जेलमधून मला हलविण्यात आले. अंजली दमानिया, करूणा मुंडे, तृप्ती देसाई यांच्याकडे कासले यांनी विनंती केली की, वाल्मिक कराडला तेथून हलवा. चिकन, तिन लेयरची चपाती, फरसाण असा सगळा राजेशाही थाट वाल्मिकचा आहे, असे देखील कासलेंनी सांगितले.
जेलमध्ये वाल्मिक दोन-तीन ठिकाणी फिरतो. त्याला वाचण्यासाठी पाच-पाच पेपर येतात. त्याच्या सोबत वंजारी समाजाची लोक असतात. बीड सबजेल हे कराडसाठी स्वर्ग आहे. त्याला पांघरण्यासाठी सहा ब्लॅंकेट मिळाले असून तो त्यांचा गादीसारखा वापर करतो. कॅंटीनमध्ये इतर कैद्यांना खरेदीचा नियम लावलो जातो, मात्र वाल्मिक पंचवीस हजाराची खरेदी करतो. इतर कैद्यांपेक्षा वाल्मिकला व्हिआयपी ट्रिटमेंट मिळत असल्याचे त्यांनी सांगितले.
Admin 
