पुण्यातील नाना पेठ येथे राष्ट्रवादीचे माजी नगरसेवक वनराज आंदेकर यांची हत्या झाली. दहा ते बारा जणांनी मिळून त्यांची गोळ्या घालून हत्या केली. या खून प्रकरणात पसार झालेल्या आणखी दोन जणांना गुन्हे शाखेने अटक केली आहे.
आंदेकर खून प्रकरणात आतापर्यंत तीन अल्पवयीनांसह 21 जणांना अटक केली आहे. आरोपींकडून आठ पिस्तूल, 13 काडतुसे, सात बाईक, मोटार जप्त करण्यात आली आहे.
आंदेकर हत्या प्रकरणाचा मुख्य सूत्रधार सोमनाथ गायकवाड, शुभम दहिभाते, आंदेकर यांची बहीण संजीवनी कोमकर, तिचा पती, दीर, भाचा यांच्यासह इतरांना अटक करण्यात आलेली आहे. त्याचबरोबर हत्या करण्यासाठी कोयते, पिस्तूल पुरविणारा आरोपी संगम वाघमारे यालादेखील अटक झाली आहे. त्यानंतर आता या घटनेनंतर पसार झालेला आरोपी सागर पवार, साहिल दळवी यांना गुन्हे शाखेच्या युनिट एकने आणि खंडणी विरोधी पथकाने काल रात्री उशीरा अटक केली आहे.
