- राज्याच्या आज जाहीर झालेल्या अर्थसंकल्पात लाडक्या बहिणींच्या 2100 रुपयांची घोषणा झालेली नाही. अर्थसंकल्पात लाडकी बहीण योजनेसाठी 36 हजार कोटींची तरतूद करण्यात आली आहे.
- लाडक्या बहिणींना 2100 रुपये देण्यासाठी काम सुरू असल्याचे मुख्यमंत्री देवेंद्र फडणवीस यांनी सांगितले. मी शब्दाचा पक्का आहे, बहिणींना नाराज करणार नाही, अशी ग्वाही फडणवीस यांनी दिली.
- सध्या लाडक्या बहिणींना दीड हजार रुपयेच मिळणार आहेत. जेव्हा 2100 देण्याचा निर्णय होईल तेव्हा आम्ही घोषित करू असे मुख्यमंत्र्यांनी सांगितले. त्यामुळे सध्या तरी लाडक्या बहिणींना 2100 रुपयांसाठी वाट बघावी लागणार आहे. दुसरीकडे फेब्रुवारी आणि मार्च महिन्याचा हप्ता एकत्रित येईल, असे सांगितले असताना बहिणींना केवळ फेब्रुवारी महिन्याचा हप्ता जमा झाला आहे. त्यामुळे होळीच्या सणापूर्वी मार्चचा हप्ता मिळेल का? असा प्रश्न आता लाडक्या बहिणींना पडला आहे.
