- ताम्हिणी घाटात रायगड जिल्ह्याच्या हद्दीत रेस्ट हाऊसच्या अलिकडे परवा दुपारी एसटी आणि कारची धडक होऊन झालेल्या भीषण अपघात झाला. या अपघातात कारमधील दोघांचा जागीच मृत्यू झाला.
- तर तीनजण जखमी झाले आहेत. दुपारी दीड वाजण्याच्या सुमारास ही दुर्घटना घडली.खेड – चिंचवड ही एसटी पुण्याच्या दिशेने निघाली होती. तर स्विफ्ट कार माणगाव तालुक्यातील विळे गावाच्या दिशेने येत होती.
- उतारावर भरधाव वेगात निघालेल्या या कारवरील चालकाचे नियंत्रण सुटल्याने कार समोरुन येणार्‍या एसटीला जाऊन धडकली. ही धडक इतकी जोरदार होती की, यामध्ये स्विफ्ट कारचा चालकाच्या बाजूचा भाग बसमध्ये घुसून पूर्ण चेपला गेला. त्यामुळे कारचालक व चालकाच्या पाठीमागे बसलेली जेष्ठ महिला यांचा जागीच मृत्यू झाला. हे दोन्ही मृतदेह कारमध्येच अडकून पडले. सह्याद्री वन्यजीव रक्षणार्थ सामाजिक संस्थेचे सदस्यांनी घटनास्थळी जाऊन आधुनिक साधनांच्या मदतीने दुपारी तीन वाजता अडकलेले मृतदेह बाहेर काढण्याचे काम सुरु करण्यात आले.
- कारमधील अन्य तीन जखमींना माणगाव येथील उपजिल्हा रुग्णालयात उपचारासाठी हलविण्यात आले आहे. जखमींमध्ये एका लहान मुलीचादेखील समावेश आहे. तर एसटीमधील कोणीही जखमी झाले नाही.
