- चॅम्पियन्स ट्रॉफिमध्ये टीम इंडियाने दणदणीत विजय मिळवून पाकिस्तानला जोरदार धक्का दिला आहे. हा सामना जिंकण्यामध्ये विराट कोहलीचे योगदान लाखमोलाचे आहे. पण आता टीम इंडियाने हा सामना जिंकल्यानंतर विराट कोहली, पाकिस्तान आणि 23 तारखी अशा एका वेगळ्याच योगायोगाची जोरदार चर्चा सुरू झाली आहे.
- विराट कोहली, पाकिस्तान आणि 23 तारीख जागतिक क्रिकेटमध्ये हा एक असा योगायोग आहे की, प्रत्येकवेळी या तारखेला काहीतरी मोठेच घडल्याची नोंद आहे. त्यामुळे आता 23 तारखेला विराटचा सामना करण्यापूर्वी पाकिस्तानचे खेळाडू नक्कीच दहा वेळा विचार करतील.
- सोप्या भाषेत सांगायचे झाले तर, 23 तारखेला जेव्हा जेव्हा विराट आणि पाकिस्तानच्या संघातील खेळाडू समोरासमोर आले आहेत, तेव्हा निकाल नेहमीच अतुलनीय राहिला आहे. विराट फॉर्ममध्ये असो वा नसो, त्याने आपली जादू दाखवली आहे. एवढेच काय तर, यापूर्वी जेव्हा जेव्हा पाकिस्तानी संघाचा सामना टीम इंडियाशी झाला आहे तेव्हा तेव्हा पाकिस्तानी संघाला झालेल्या पराभवामुळे रडावे लागले आहे.
- आता तुम्हाला प्रश्न पडला असेल की, 23 तारखेला विराटने पाकिस्तानला कधी कधी ठोकून काढले आहे तर, आतापर्यंत जागतिक क्रिकेटमध्ये असे दोनदा घडले आहे. ज्याचे ताजे उदाहरण म्हणजे काल चॅम्पियन्स ट्रॉफीमध्ये खेळलेला भारत-पाकिस्तान सामना होय.
- दुबईच्या मैदानावर खेळल्या जाणाऱ्या या सामन्यापूर्वी विराट कोहली ज्या फॉर्मसाठी ओळखला जातो त्या फॉर्ममध्ये दिसला नव्हता. पण, पाकिस्तान समोर येताच जगाला खरा विराट कोहली दिसला. मग जे काही घडले ते सर्व क्रिकेटप्रेमींनी याचि देही याची डोळा अनुभवले.
- कालच्या पाकिस्तानविरूद्धच्या सामन्यात शतक झळकावून टीम इंडियाला विजय मिळवून देण्यापूर्वी विराटने त्याच्या फलंदाजीचे कौशल्य दाखवले होते. जेव्हा त्याने पहिल्यांदा हे केले तेव्हा मैदान होते ते मेलबर्नचे आणि सामना होता तो टी-20 विश्वचषकातील पण तारीख तीच होती 23 ऑक्टोबर 2022. या सामन्यात विराटने 53 चेंडूंचा सामना करत नाबाद 82 धावा केल्या आणि संघाला विजयाकडे नेले. विराटची ती खेळी त्याच्या सर्वोत्तम खेळींपैकी एक मानली जाते.
- आश्चर्यकारक गोष्ट म्हणजे 23 ऑक्टोबर 2022 आणि 23 फेब्रुवारी 2025 या दोन्ही तारखांना रविवार होता. त्यामुळे 23 या क्रमांकाशी संबंधित योगायोग केवळ तारखांचा नाही, तर विराटचा जर्सी क्रमांक आणि त्याचा वाढदिवस जोडल्यावर येणारा क्रमांक देखील 23 आहे.
