- सोलापूर : घरगुती व लहान मुलांच्या कारणावरून शिवीगाळ व भांडण करू नका असे म्हणताना चौघांनी मारहाण केल्याची घटना 25 जानेवारी रोजी घडली. याप्रकरणी राजू गुलजार फटफटवाले (वय 21, रा. बापुजी नगर, सेंटर हाऊस) यांनी सदर बाझार पोलीस ठाण्यात फिर्याद दिली.
- त्यांच्या फिर्यादीवरून जयसिंग शिवशिंगवाले, महेश शिवशिंगवाले, संतोष शिवशिंगवाले, ज्योती धोत्रेवाले (सर्व रा. बापूजी नगर सेंटर हाऊस) यांच्याविरुद्ध गुन्हा दाखल झाला आहे. यात अधिक माहिती अशी की, फिर्यादी व फिर्यादीच्या भाऊ घरी असताना यातील संशयित आरोपी क्रमांक एक ते चार हे आले.
- फिर्यादीस घरगुती व लहान मुलांच्या कारणावरून शिवीगाळ करू लागले. यातील संशयित आरोपी क्रमांक एक याने फिर्यादीच्या भावाला लाथाबुक्क्याने मारहाण करू लागला. संशयित आरोपी क्रमांक दोन यांनी त्याच्या जवळील असलेली चेन फिर्यादीच्या डोक्यात मारून दुखापत केली. संशयित आरोपी क्रमांक चार यांनी शिवीगाळ देऊन तुम्हास बघून घेतो अशी धमकी दिल्याचे फिर्यादीत म्हटले आहे.
