- राज्यात एक हादरवणारी घटना घडली असून तेथे जळगावमध्ये सासरच्या लोकांना आपल्याच लेकीच्या कपाळाचे कुंकू पुसत जावयाचा निर्घृण खून केला. आपल्या घरातील मुलीशी पाच वर्षांपूर्वी केलेल्या लव्ह मॅरेजचा सूड उगवत कुटुंबियांनी तरूणाची हत्या केली. कोयत्याने वार करून त्याला संपवण्यात आले. जळगावच्या पिंप्राळा हुडको येथे प्रेमविवाह केलेल्या 26 वर्षीय तरुणासह त्यांच्या कुटंबावर जुन्या वादातून हल्ला केल्याची घटना उघडकीस आली आहे. या परिसरात तणावपूर्ण शांतता असून पोलिसांचा मोठा पोलीस बंदोबस्त तैनात करण्यात आला आहे.
- या प्रकरणी जळगाव शहरातील रामानंदनगर पोलीस ठाण्यात नऊ जणांविरुद्ध गुन्हा दाखल करण्यात आला असून त्यापैकी सात जणांना पोलिसांनी अटक केली आहे. तर मयत तरूणांच्या कुटुंबातील सात जण गंभीर जखमी असून त्यांच्यावर जळगाव शासकीय वैद्यकीय महाविद्यालयात उपचार सुरू आहेत. मुकेश रमेश शिरसाठ असे मृत तरूणाचे नाव आहे.
- मुकेश याने जळगाव शहरातील पिंपराळा हुडको परिसरातील पूजा या तरूणीशी पळून जाऊन लग्न केले. त्यांचे हे लव्ह मॅरेज मुलीकडच्यांना पसंत नव्हते. यामुळे त्यांच्या मनात मुकेशबद्दल राग होता. त्यांच्या लग्नाला पाच वर्ष झाली तरी तेव्हापासूनच दोन्ही कुटुंबात सतत वाद होत होते. अजूनही ते वाद कायम होते. या वादाचे पर्यवसान रविवारी थेट हाणामारीत झाले. रविवारी मुकेश हा कामासाठी घराबाहेर पडला, तेव्हा त्याच्या सासरच्या काही लोकांनी त्याला घेरले आणि त्याच्यावर कोयता व चॉपरने वार करत प्राणघातक हल्ला केला. यात गंभीर जखमी झालेल्या मुकेशचा जागीच मृत्यू झाला.
- दरम्यान मुकेशवर हल्ला झाला, तेव्हा त्याला वाचवण्यासाठी त्याचे भाऊ, काका, काकू, दोन चुलत भाऊ, चुलत बहीण मध्ये आले, मात्र मुलीच्या कुटुंबियांनी त्यांच्यावरही वार केल्याने तेही जखमी झाले.
