- एसटी बसने तिघांना चिरडल्याची घटना समोर आली आहे. बीड-परळी रस्त्यावर असलेल्या घोडका राजुरी फाटा येथे ही घटना घडली आहे. या अपघातात तीनही तरुणांचा जागीच मृत्यू झाला. तर दोन जणांवर स्थानिक रुग्णालयात उपचार सुरू आहेत. पोलीस भरतीची तयारी करणारे हे तरुण सकाळी व्यायाम करण्यासाठी रस्त्यावर गेले होते.
- ओम सुग्रीव घोडके (वय 19 वर्षे) , विराट बब्रुवान घोडके (वय 18 वर्ष), सुबोध बाबासाहेब मोरे (वय 19 वर्ष) असे अपघातात मृत पावलेल्या तिघांची नावे आहेत. तिघेही तिन्ही जण घोडके राजुरी गावचे रहिवासी होते. आदित्य लक्ष्मण घोडके आणि निखिल बळीराम डरपे हे दोन तरुण अपघातातून थोडक्यात बचावले.
- मिळालेल्या माहितीनुसार, पाचही तरुण पोलीस भरतीसाठी तयारी करत होते. आज सकाळी सहा वाजेच्या सुमारास व्यायामासाठी घोडके राजुरी फाट्यावर आले. त्याचवेळी एका एसटी बसने तिघांना चिरडले.
