ख्रिसमसच्या सुट्टीसाठी गावाकडे जाताना सांगलीच्या कुटंबाचा भीषण अपघात झाला आहे. कंटेनर ट्रक कारवर पलटी झाली, या अपघातामध्ये एकाच कुटुंबातील सहा जणांचा मृत्यू झाला. या घटनेने जतमधील गावावर शोककळा पसरली आहे. नेलमंगळा तालुक्यातील तळकेरेजवळ हा दुर्देवी अपघात झाला.
सांगलीच्या जत तालुक्यातील मोरबगी गावातील लोक बेंगलोरवरून आपल्या गावाला येत असताना भीषण अपघात झाला. ख्रिसमस सुट्टी असल्यामुळे कारने सहा जण जतमधील आपल्या गावाकडे येत होते. त्यावेळी काळाने घाला घातला. कंटेनर ट्रक कारवर पलटी झाली. या दुर्दैवी घटनेत एकाच कुटुंबातील 6 जणांचा मृत्यू झाला आहे. मृतामध्ये पती चंद्रम इगाप्पागोळ (४६), पत्नी धोराबाई (४०) मुलगा गण (16), मुली दिक्षा (10), आर्या (6), चंद्रम एगाप्पागोळ भावाच्या पत्नी विजयालक्ष्मी (३५) यांचे निधन झाले आहे. चंद्रम इगाप्पागोळ हे मूळचे सांगलीच्या जत तालुक्यातील मोराबागी गावातील रहिवासी आहेत. ते बेंगलोर येथे सॉफ्टवेअर कंपनीत होते. तर नेलमंगला वाहतूक पोलिस ठाण्यात गुन्हा दाखल करण्यात आला आहे.
