- राष्ट्रवादी काँग्रेस पक्षाचे प्रमुख अजितदादा पवार यांच्यासह प्रमुख नेते शरद पवार यांच्या दिल्लीतील निवासस्थानी दाखल झाले आहेत. आज पवार यांचा वाढदिवस आहे. वाढदिवसाचे औचित्य साधून अजितदादा शरद पवारांच्या भेटीसाठी त्यांना शुभेच्छा देण्यासाठी निवासस्थानी पोहोचले आहेत. अजितदादा यांच्यासह त्यांच्या पत्नी सुनेत्रा पवार, मुलगा पार्थ, राष्ट्रवादी काँग्रेसचे प्रदेशाध्यक्ष सुनील तटकरे आणि प्रफुल पटेल उपस्थित आहेत.
- शरद पवार यांनी त्यांच्या आतापर्यंतच्या राजकारणात वैचारिक विरोधाला कधी व्यक्तीगत विरोधामध्ये बदलू दिले नाही. त्यामुळे पवार यांचे सर्वपक्षीय नेत्यांसोबत चांगले संबंध आहेत. सर्वच पक्षात त्यांचे मित्र आहे. आज वाढदिवसाच्या निमित्ताने पवार यांना अनेक जण त्यांना शुभेच्छा देतील. पण अजितदादा पवारांनी शुभेच्छा देण्यासाठी शरद पवारांचे निवासस्थान गाठणे ही खास बाब आहे. कारण पवारांच्या उतारवयात अजितदादा यांनी त्यांना मोठा राजकीय धक्का दिला.
- पवारांनी स्वबळावर उभा केलेला राष्ट्रवादी काँग्रेस पक्ष आज अजित पवारांकडे आहे. नुकत्याच झालेल्या विधानसभा निवडणुकीत अजितदादा यांनी स्वबळावर राष्ट्रवादी काँग्रेसचे 41 उमेदवार निवडून आणले. पवार यांना फक्त 10 आमदारांवर समाधान मानावे लागले. पवार यांच्या आतापर्यंतच्या त्यांच्या राजकीय करिअरमध्ये हा त्यांच्यासाठी एक धक्का आहे.
- आता वाढदिवसाच्या निमित्ताने शुभेच्छा देण्यासाठी भेट घेतल्याने दोन्ही नेते, पक्ष आणि कौटुंबिक मतभेद कमी होतील.
