कर्नाटक शिक्षक भरती परीक्षे दरम्यान धक्कादायक प्रकरण समोर आले आहे. या परीक्षेसाठी आलेल्या एका विद्यार्थ्याच्या हॉल तिकीटावर प्रसिद्ध बॉलिवूड अभिनेत्री सनी लिओनीचा बोल्ड फोटो छापण्यात आला होता.
- सनीचा बोल्ड फोटो असलेले हॉल तिकीट घेऊन सदर विद्यार्थी परीक्षा केंद्रात पोहोचल्यावर सगळा प्रकार उघडकीस आला आहे. विद्यार्थ्याच्या हॉल तिकीटचा एक फोटो सध्या सोशल मीडियावर व्हायरल झाला आहे. आता याप्रकरणी चौकशीचे आदेश देण्यात आले आहेत.
राज्य सरकारच्या महत्त्वाच्या परीक्षेत असा गोंधळ झाल्याने प्रशासनावर टीका देखील होत आहे. मीडिया रिपोर्टनुसार सदर विद्यार्थ्याला देखील या संदर्भात प्रश्न विचारले गेले. मात्र, परीक्षेचा फॉर्म एका दुसऱ्याच व्यक्तीने भरल्याचे त्यांच्याकडून सांगण्यात आले.
