विधानसभा निवडणुकीच्या मतदानाला काही दिवसच बाकी आहेत. त्यामुळे निवडणुक प्रचाराला चांगलाच रंग चढला आहे. अक्कलकोट विधानसभा मतदारसंघातील वंचित बहुजन आघाडीचे उमेदवार संतोषकुमार इंगळे यांनी प्रचारात सक्रीय सहभाग घेत घरोघरी संपर्काद्वारे मतदारांना आवाहन केले.
वंचित बहुजन आघाडीचे उमेदवार संतोषकुमार इंगळे यांनी आपला प्रचाराचा वेग चांगलाच वाढवला आहे. अशातच अक्कलकोट मतदारसंघात त्यांच्या पदयात्रेला देखील जनतेचा उत्स्फूर्त प्रतिसाद मिळत आहे. यावेळी वेगवेगळी प्रचार गीते, रस्त्यांच्या दुतर्फा, स्वागतासाठी थांबलेले नागरिक, औक्षणासाठी थांबलेल्या महिला भगिनी, पुष्पवृष्टी फटाक्यांची आतिषबाजी आणि संतोषकुमार इंगळे आगे बढो हम तुम्हारे साथ है..! या घोषणांनी आसमंत दुमदुमून गेला.
अक्कलकोट येथील भीमनगर येथे वंचित बहुजन आघाडीचे उमेदवार संतोषकुमार इंगळे उमेदवार यांच्या प्रचारार्थ पदयात्रा काढण्यात आली. यावेळी जिल्हाध्यक्ष चंद्रशेखर मडीखांबे, युवक तालुका अध्यक्ष शिलामणी बनसोडे, कामगार संघटनेचे तालुका अध्यक्ष सिद्धार्थ बनसोडे, संतोष घाटगे, सुनील शिंगे, सचिन मडीखांबे, रवी पोटे, विशाल ठोंबरे, शहराध्यक्ष संजय शिंदे, चंनुशिंगे विनोद मडीखांबे, तोळणूरचे कल्याणी मामा आदी पदाधिकारी उपस्थित होते.
दरम्यान संतोषकुमार इंगळे यांनी अक्षरशः मतदारसंघ पिंजून काढला असून युवा नेतृत्वाच्या सक्रीय सहभागामुळे कार्यकर्ते देखील चार्ज झाले आहेत. प्रचार फेरी असो, पत्रक वाटप असो छोट्या-मोठ्या सभा असो सर्व प्रकारच्या प्रचारात विविध नेते अत्यंत सक्रीय असल्याचे दिसत आहेत.
