- गेल्या दहा वर्षामध्ये तुम्ही निवडून दिलेले आणि तुम्हाला मूलभूत सोयी-सुविधांपासून वंचित ठेवलेले लोकप्रतिनिधी या भागाकडे फिरकले का, अशांना तुम्ही निवडून देणार का, असा सवाल करुन या निवडणुकीत आपल्याला तुमची साथ आणि आर्शीवाद द्या, त्याचे आपण सोने करु आणि या मतदारसंघाचा विकास घडवून आणू, अशी ग्वाही सोलापूर दक्षिण विधानसभा मतदारसंघातील अपक्ष उमेदवार तथा सिद्धेश्वर परिवाराचे प्रमुख धर्मराज काडादी यांनी दिली.
- आज सोलापूर दक्षिण विधानसभा मतदारसंघातील नीलमनगर भागात अपक्ष उमेदवार धर्मराज काडादी यांची पदयात्रा आयोजिली होती. त्यावेळी काडादी बोलत होते. या पदयात्रेत ज्येष्ठ विधीज्ञ मिलिंद थोबडे, माजी उपमहापौर अप्पाशा म्हेत्रे, सिद्धेश्वर साखर कारखान्याचे उपाध्यक्ष सिद्धाराम चाकोते, ज्येष्ठ नेते सुरेश फलमारी, प्रा. अशोक निंबर्गी, सुरेश झळकी, उत्तम पाटील, प्रा. धर्मराज हंद्राळ, सामाजिक कार्यकर्ते बसवराज उडचाण, मनोहर माचर्ला, बालाजी कोंडी, प्रसाद कदम, सुनील बळी, विनायक म्हेत्रे, संदीप म्हेत्रे, दरेप्पा म्हेत्रे, अशोक बिराजदार, लक्ष्मण झळकी, आप्पासाहेब माळी, श्रीकांत नवले आदी उपस्थित होते.
- दरम्यान, नीलम नगर भागातील देसाई विडी कारखाना यांसह विविध विडी कारखान्यांत जाऊन धर्मराज काडादी यांनी विडी कामगार महिलांच्या समस्या जाणून घेतल्या. त्यावेळी या महिलांनी आपल्या विकासासाठी काडादी यांना प्रचंड मताधिक्याने निवडून देण्याची ग्वाही दिली. तसेच हॉटेल व्यावसायिक यासह छोटे-मोठे दुकानदार, कामगार, कर्मचारी, मजूर आणि महिलांनी काडादी यांना पाठिंबा देऊन त्यांच्या विजयासाठी कटिबद्ध असल्याचे सांगितले.
