विधानसभा निवडणुकीच्या पार्श्वभूमीवर शिवसेना नेते उद्धव ठाकरे यांनी नांदेडच्या लोहामध्ये आयोजित केलेल्या प्रचार सभेत महायुतीवर जोरदार हल्लाबोल केला आहे. यावेळी ठाकरे यांनी निवडणूक लढायची असेल तर मर्दा सारखे लढा, असा टोला महायुतीला लगावला. दरम्यान ठाकरे यांनी राज्यातील लाडक्या बहीण योजनेवरून राज्य सरकारवर जोरदार निशाणा साधला.
नागरिकांनो पंधराशे रुपयांमध्ये तुमचे घर चालणार आहे का? तर तुमचे दीड हजार रुपये महत्त्वाचे आहेत की, महिलांची सुरक्षा महत्त्वाची आहे. त्यामुळे जर राज्यात महाविकास आघाडीची सत्ता आल्यावर आम्ही महिलांना तीन हजार देणार आहोत, असे ठाकरे म्हणाले.
