- सोन्याच्या दरात आज वाढ झाल्याचे दिसून आले आहे. सलग तीन दिवसापासून सोन्याच्या भाव घसरल्यानंतर आज सोन्याच्या दरात वाढ झाली. बहुतांश शहरांच्या सराफा बाजारात सोने चारशे रुपयांनी महागले आहे.
- दसरा संपल्यानंतर आता करवा चौथ, धनत्रयोदशी, दिवाळी आणि त्यानंतर लग्नसराईचा हंगाम सुरू होणार आहे. लग्नसराई आणि सणांच्यासुदीच्या काळात सोन्या-चांदी खरेदीला नागरिकांची मोठी गर्दी असते. अशा परिस्थितीत सोन्याच्या भावात आणखी वाढ होण्याची शक्यता आहे.
- देशातील जवळपास सर्वच शहरांमध्ये 24 कॅरेट सोन्याचा भाव 78 हजार रुपयांच्या पुढे आहे. दागिने खरेदी करणाऱ्यांसाठी 22 कॅरेट सोन्याचा भाव 71 हजार रुपयांच्या पुढे गेला आहे. तर 18 कॅरेट सोन्याचा दर 58 हजार रुपये प्रति दहा ग्रॅम आहे. आज चांदीचे भाव स्थिर आहेत. चांदी आज 96,900 रुपये प्रतिकिलो आहे.
