गेल्या काही दिवसांपासून बॉलिवूड चित्रपट दिग्दर्शक रोहित शेट्टीच्या ‘सिंघम अगेन’ या चित्रपटाची जोरदार चर्चा रंगली होती. चित्रपटात अभिनेता अजय देवगणसह अनेक कलाकार दिसणार असल्यामुळे प्रेक्षकांमध्ये उत्सुकता शिगेला पोहोचली होती. आता या चित्रपटाचा ट्रेलर प्रदर्शित झाला असून सोशल मीडियावर तुफान चर्चेत आहे.
या चित्रपटाच्या ४ मिनिटे ५८ सेकंदाच्या ट्रेलरमध्ये अजयचा स्वॅग पाहायला मिळत आहे. अजय हा त्याचा मुलगा आणि पत्नीसोबत गप्पा मारत असतो. तेव्हा त्याचा मुलगा प्रश्न विचारतो की, तुम्हाला खरच वाटते की राम सीतेला सोडवण्यासाठी ३ हजार किलोमीटर लांब गेले असतील? त्यावर अजय म्हणतो की, मी ज्याच्यावर जीव लावतो, त्याच्यासाठी जीवही ओवाळून टाकतो. पण ज्याच्याशी दुश्मनी घेतो त्याला सोडत नाही. एकदा गुगलवर बाजीराव सिंघम टाईप कर म्हणजे तुला तुझा बाप काय आहे हे कळेल. वर्दी पहननेवाले हर एक को लगता है वो सिंघम है. त्यानंतर हळूहळू दीपिका पादूकोण, टायगर श्रॉफ, अक्षय कुमार, रणवीर सिंग यांची एण्ट्री होते. त्यांच्या एण्ट्रीने ट्रेलर आणखी रंजक ठरत आहे.
